Rev 13 | MEU | STEP | Daḡedaḡe ḡauna ta na itaia, davara amo e dae, doana na gwauta, kwarana na hitu, doana doridia ai be havava ḡaudia gwauta, bona kwarana ta ta ai Dirava ihadikana herevadia e tore.

Revelation of John 13

Daḡedaḡe ḡauna davara amo e dae

1 Daḡedaḡe ḡauna ta na itaia, davara amo e dae, doana na gwauta, kwarana na hitu, doana doridia ai be havava ḡaudia gwauta, bona kwarana ta ta ai Dirava ihadikana herevadia e tore. 2 Hari daḡedaḡe ḡauna na itaia, ita-itana na taiga na heto, a aena na bea aena na heto, bona uduna na leona uduna na heto. Bena hari huala ese ena goada bona ena terono bona ena siahu na una ḡau e henia. 3 Bena kwarana ta na itaia, e kara vada e haberoa dikadika, mase berona na heto, to berona vada e namo. 4 Bena tanobada taudia ese huala e toma henia diho, badina be ia siahuna na hari daḡedaḡe ḡauna vada e henia; bona idia ese una daḡedaḡe ḡauna danu e toma henia diho, eto, Daika be ina ḡau idaina? Daika mai goadana baine tuari henia?

5 Udu ta danu una daḡedaḡe ḡauna e henia, bena ia ese Dirava ihadikana herevadia e gwaurai lalo-dika. Bolla siahu danu e henia, hua hari-ahui rua baine lohia. 6 Bena ia uduna e haḡaia, Dirava e ere dika henia, bona Dirava ladana bona ena dubu bona guba ai e nohomu taudia na e hadikadia ena hereva ai. 7 Siahu danu e henia, helaḡa taudia baine tuari henidia, baine hadareredia, bona iduhu iboudiai boll;l taunimanima iboudiai bona gado iboudiai bon;l bese iboudiai baine lohiadia. 8 Bena Mamoe Natuna, e alaia mase gaun;l, ena mauri bukana ai ladadia na tanobada matamana amo asie tore taudia ibouhoudiai ese una ḡau bae toma henia diho. 9 Mai taiana tauna na baine kamonai. 10 Daika baine heabi mauri, vada bae abia mauri, bona daika baine heala mase, vada bae alaia mase, dare amo. Helaḡa taudia na bae haheauka hona bae heabidadama.

Daḡedaḡe ḡauna ma ta tano amo e dae

11 Bena daḡedaḡe ḡauna ma ta na itaia, tano lalona amo e dae, doana na rua, man-oe natuna ta na heto, a erella na huala erena na heto. 12 Bena ia ese daḡedaḡe ḡauna gini-gunana ena siahu idoinai e ḡaukaralaia, ia vairanai, bona tanobada mai inoholaina taudia iboudiai e haduadia, daḡedaḡe ḡauna gini-gunana, hari ena mase berona e namo ḡauna, bae toma henia diho eto. 13 Hoa karadia badadia danu e kara: ta be lahi guba amo e hadihoa taunimanima vairadiai. 14 Bena unu hoa karadia daḡedaḡe ḡauna vairanai e kara siahudia amo ia ese tanobada taudia e koidia, e haduadia, una daḡedaḡe gaulla, mai dare berona to e mauri ḡauna, laulauna bae karaia eto. 15 Bena ia na mai siahuna, una daḡedaḡe ḡauna Iaulauna baine hamauria, bena laulau na baine hereva. Mai siahuna danu una laulau ese basie toma henia diho taudia baine aladia mase. 16 Bena taunimanima iboudiai kikina badana, taḡa taudia bona ogoḡami taudia, ura kwalimu taudia bona e ḡuidia taudia, na toa ta e henidia, imadia idibadia ai eiava bagudia ai e kara. 17 Taunabunai ta basine hoihoi diba, hari toa, daḡedaḡe ḡauna ladana eiava numerana, e abia tauna mo sibona. 18 Aonegana binai: lalona e pararamu tauna ese hari daḡedaḡe ḡauna numerana baine hagaua, badina be ia na tau ta numerana. Numerana binai: 666.